සෙනෙහසක උරුමය

බියන්කා කපෙලෝ ඇයගේ ආදරවන්තයා වූ ෆැරන්සෙස්කෝ දි මෙදිසි හා නික්ම‍යෑම
ලුවිස් ඩුසිස්ගේ පින්තාරුව

තරප්පු පේලියක

උසම උස් කුළුනු යුගලෙක

අවතැන් වූ හිඩැසක

කුළුඳුලෙන්

ඔබැ උනුසුම විඳි

දයාබර මහදට

ඔබ තවමත්

අදත් එදාමෙන්ම

කුමරියක මිස

කොලයක් නොමවේමැයි

කරදහි....!

ඔබහට
 මා

 හඳේ හාවා වූ ලෙසම

කුමරිය ඔබැ දඟකාර දෑස්

මා ලුහුබඳීවී ...

සසර සරනා ආත්මයෙන් ආත්මයට...

එබැව් නොදැනෙන

එබැව් නොහැඟෙන

ඔබැ හද පතුලේ

 කිමැදුන මා

උඩු සුළඟේ ඉමක් නොදැන

පාවෙන කරදහි කැබැල්ලකි

 අද ඔබැ හට...

සෙනෙහසේ උරුමය

 මෙයම නම්

සොඳුරියේ

 විඳින්නෙම් 

මහදපිරි සෙනෙහසින්

මතු ඉපිදෙන

 සාරාසංක්‍ය කල්ප ලක්ෂයක්

ඔබැ නමින්ම

කුමරියේ...!