Tuesday 25 November 2014

අපේ (තාත්තා) රටේ මිනිස්සු-කෙලින්නේ පිස්සු...!


       



අපේ තාත්තා ලංකාවේ උපන් හිංගල මිනිසෙකි.

එනිසා ඔහු පිස්සුකෙලීම එතරම්ම ගනන් ගතයුතු නැත.

ඔලුවට පොරෝ පාරක් කාපු පොර කිව්වා වගේ, අපේ තාත්තා කැවුම් කන්න ඇති ආසාව නිසාමද කොහේද සතියක් දෙකක් යනකොට කැවුම් කෑවාද කියා මතක නැතුව ආයේත් අම්මාට කැවුම් හදන්න කියනවාය.
මේ මිනිසා කැපුවත් කොළපාට ලේ යන ජාතියේ යූඇන්පී කාරයෙක් බව කොච්චර (ලොකු) පොඩි උනත් මටනම් හොඳටම මතකය.

අපේ තාත්තා උදේ , සිට රෑ වෙලා ටීවී චැනල් වහන තුරු ඒවාත්, රටේම තියෙන හිංගල පත්තරත් කියව, දන්න කාලේකින් චන්දයකුත් දිනාගන්න බැරි උන නායකයෙකුත් ඉන්නා යුඇන්පී කරයෙකිඒ වගේම මහින්දගේ මූන පෙන්නන හැමවිටම චැනල් මාරුකරන ගානට යූඇන්පීය. හැබැයි අපරාදේ කියන්න බැහැ කනබොන මිනිහෙකි...

මම ඉතාම පුංචි ගැටය කාලේ වෙච්ච දැක්ක සිද්ධියක් මට ආයෙත් මතක් උනේ, ඊයේ හවස මේ තාත්තා නම් යුඇන්පී කාරයාට දුන් දුරකථන ඇමතුමකට මට ලැබුන උත්තරය නිසාය.

සිද්ධිය මෙයයි...

අපි එතකොට හිටියේ ගාල්ලේ අක්මීමන තලගහ හංදිය කියන තැන කුලී ගෙයක. (ගැටයා කාලයේ එතන කරපුවා මෙතනලියන්න ගියොත් මේ කථාව ලියන්නවෙන්නේ නැති නිසා ඒවා පසුව...)

මේ 1970 අවුරුද්ද වෙන්න ඕන....

මට තාම මතකයි අපේ ගෙදර ඉස්සරහින් වැටිලා තියෙන යක්කලමුල්ල පාර දිගේ ගාල්ල පැත්තට ආපු කලු පාට ලොකු කාර් එක.

තාත්තාත් මමත් පාර අයිනේ හිටියේ මොකටද කියලා මතක නැති උනාට, කාර් එක අපි ලඟටම එනකොට අපි හිටිය පැත්තට විරුද්ධ පැත්තේ කාර් එක ඇතුලේ වාඩි වෙලා හිටිය කන්නාඩි දාපු බෙල්ලේ කැමරාවක් එල්ලා ගත්ත, අපේ ගෙදර සාලේ බිත්තියේ එල්ලලා තියෙන පොටෝ එකේ ඉන්න ලස්සන මහත්තයා, අපේ පැත්තට බර වෙලා දෑත් එක් කරලා අපිට ආයුබෝවන් කියාගෙන ගියා.. 1970දී තාත්තාට වයස 39ක් වෙන්න ඕන.. කියන්නේ දැන් මට වඩා බාල වයසේ...මට දැන් එහෙම හිතුනේ, තාත්තා උඩ පැන පැන අප්පුඩි ගගහා...ඩඩ්ලි හාමු පුතේ, ඩඩ්ලි හාමු කියලා කෑ ගහපු හැටි මතක් වෙච්ච නිසා...පොලිස් කාරයෙක් මෙහෙම කෑ ගහ ගහ ජොලියේ ඉන්නවා මම දැක්කමයි. මොකද දවස්වල දැන්වගේ නෙමෙයි පොලිස්කාරයින්ට සැලකිල්ලක් තිබුනා මොකෝ ඒගොල්ලෝ අද වගේ පිස්සුකෙලියේ නැහැ...

ඉතින් මේක නෙමෙයි සිද්ධිය..

ඊට ටික දවසකට පස්සේ මට මතකයි රිවිරැස පත්තරේ මැද පිටුවේ තිබුන කොටු කොටු පිරිච්ච චන්ද කොට්ටාස නාමලේඛනයත් අරන් කඩල එහෙම තම්බගෙන තාත්තායි අය්යයි මුලු රැයක්ම රේඩියෝ එක ඇහුවා..පහුවෙනිදා උදේ තාත්තා වැඩට ගියා..හැන්දෑවේ ආවා රාමු කරපු අලුත් පින්තූරයකුත් අරගෙන..

සුදු මහත  බෝලයක්  වගේ මූන තියෙන සාරි පොටක් එක්ක නෝන කෙනෙක්ගේ පිංතූරයක්...ගැලෙව්වා අර ලස්සන කලු කෝට් කන්නාඩි දාලා හිටපු මහත්තයාගේ පොටෝ එක (අපිට මෙයා අතත් වනලානේ අයියෝ ගියේ)එල්ලුවේ නැද්ද නෝනගේ පින්තුරේ එතන....

දවස්වල මට මේක හරියටම නොතේරුනත්, මෝඩයා වගේ මම ඇහුවා තාත්තාගෙන් ඇයි මේ අලුත් මූනක් එල්ලන්නේ කියලා...මම රජයේ සේවකයෙක් ඉතින් රාජ් නායිකාවට යටහත්ව ඉන්න ඕනි...
එතකොට තාත්තේ අපිට අත වනපු හාමු..? එයා පරාදයි, නොදන්නා දේවල් අහන්නේ නැතිව ඉඳහන්..ඕන්න මට ලැබුන උත්තරය...

ඊයේ බජට් එකට චන්දේ දෙන්න විරුද්ධ පක්ෂෙට 20ක් යනවාය, එහෙම ගියොත් මහින්ද ඉවරය අරකය මේකය කියන බ්ලොග් කමේන්ට් කියව කියවා ඉන්නකොට මට මතක් උනේ මේ යුඇන්පී කාරයාට කථා කලොත් මොකක්ද වෙන්නේ කියලා තේරුන් ඇතිව අහගන්න පුලුවන්වේය කියලාහිතාගෙන  කෝල් එකක් දුන්නෙමි.

"හෙලෝ........ කොහොමද තාත්තේ ....මොනාද කරන්නේ...?"

" පුතේ...කවද්ද ආවේ....?"

"ගිය සුමානේ.. මේ ඒක නෙමෙයි, මොකො ඔයගොල්ලන්ගේ රනිල් ලොක්කාට වෙලා තියෙන්නේ?ඔන්න මේ පාරත් චන්දේ ඉල්ලන්නේ නෑලු...ඔයා දැන් කාටද චන්දේ දෙන්නේ...? කොහොමද ශ්‍රීලංකා කාරයෙකුට ඔයාගේ ඔය කොලපාට චන්දේ දෙන්නේ..."

"ඇයි..අපි මෛත්‍රීටනේ දෙන්නේ..?"

"ඉතින් එයා ශ්‍රීලංකා නේද? ගිය සැරෙත් ඔයාට දෙන්න උනේ සුදුකොඩිට නේද? අයිඅයියෝ කවද්ද ඔයා කොළපාට චන්දයක් දාන්නේ ..?

"පොඩ්ඩක් ඉන්න..මේ දවස් 100කට නේ පුතේ..ඊට පස්සේ අපි බලය අපිට ගන්නවා.."

" කොහොමද?"

"මෛත්‍රී බලය අපිට බාර දෙනවා.."

"එතකොට මෛත්‍රී මොනාද කරන්නේ? හරි දිනලා දුන්නේ නැත්නම් මොකද කරන්නේ?"

"..එහෙම උනොත් අපි ඉවරයි..? කෝ පුතේ දුව ඉන්නවද? පොඩ්ඩක් කථා කරන්න.."

අනේ මේ මිනිසාගේ වයස දැන් අවුරුදු 83කි...සමහරවිට මෙය ඔහුගේ අන්තිම චන්දය වෙන්නටත් පුලුවන...

රනිල් මහත්තයාව දන්න කෙනෙක් ඉන්නවානම් එයාට අලියා ලකුනෙන් චන්දේ ඉල්ලන්න කියන්න එතකොට අපේ යුඇන්පී කාර තාත්තාට ඔහුගේ කොළ පාට චන්දය නම්බුකාර විදියට අලියාට 8 වෙනිදා දැමිය හැකිය....                                                                      

Tuesday 28 October 2014

මව් බිසවුනි....! Queen Bee



www.reddit.com

               
ඇයි ඇය මෙතරම්ම නපුරු උනේ මා හට ?


පල වැල නෙලා, උහා පිහා බඩ ගින්දර නැසූ වරදටද
සලු පිළි ආභරණ යාන වාහන හිසට සෙවනක් දුන් වරදටද

ඇයි ඇය මෙතරම්ම නපුරු උනේ මා හට ?

මා සක්විති රජ කරවා
ඔබ මව් බිසව් තනතුරද පැතුවේ

අග මෙහෙසියක් කිරුළට හිමි කුමරෙක් එක්ටැම් ගෙයි කුමරියක්
ඉවසන්න බැරිවද, සැබෑ නොවෙන්නේද සිහිනේ

ඔහුගේ ලෙයින් කලලය
දස මස කුස දරා
ඔබගේ ලෙයින් ඉනූ
කුස පිරූ සෙනෙහස

සල්ලිය බාගයටම
තීන්දු කලේ
හෑල්ලු කලේ
ඔබමයි
                


















මව් බිසවුනි

නිමිත්ත:
මගේ නිර්මාන ශක්තියේ තියෙන දුර්වලතාවය කොපමනද යත්, මටවත් තේරෙන්නේ නැහැ ආයිබොවං මේකේ තේරුම...
අම්මලා ගැන ගුන ගායනා විතරද කරන්න පුලුවන් කියලයි මේ බැලුවේ...
සමාවෙන්න ඕන හිත් රිදුනානම්...


Friday 24 October 2014




අද 24

අද අයවැය

හෙට 25

හෙට වැය විතරයි

වෙනදා වගේම..




Thursday 16 October 2014

නොඉඳුල්






ලඟදි පත්වීම ලද
බඳින වයසත් පහුවුන
දිග කලිසම් ඇඳි
තාමත් කවුරුවත් නොහඳුනන
කෑම පැයේ අඳුරු මුල්ලට වී
තනිවම බත් පත බුදින
කල්‍යානි...

කෑම පැයේ කුනු බඳුනේ
එකතුවෙනා ඉඳුල්
ඔබ අතින්ම අනා
මැද මිදුලේ පෙරලි පෙරලි
පෙරලි කරන බලු රෑනට
එය කවනා ඔබ
කල්‍යානි...