Saturday, 19 November 2022

Odiyal Koozh






 ජාපනේ කකුලු කරිය

කූල් සූපය (හරිද මන්දා)

මට්න් මසාල නාන් එක්ක

රියෝ එකෙන් අයිස් ක්‍රීම් 


ඕතෙන්ටික් ජැෆ්නා කුසීන්

ස්ටාර් ක්ලාස් හෝටෙල් සැප

කර කව කව වාඩිවෙන්න

බුක්ඩ් ඒසී ට්‍රේන් සීට් 


දෙදාස් නවේ ඉඳන් දහම තුනයි ජාපනේට (අවුරුදුම)

ඒ දහ තුනේ කොළොම්පුරය 

වලේ මෝටසයිකල් වගේ කානිවල් එකේ

ජාපනේ ඒ උනාට හෙන ඩිසිප්ලින් 


කොලොම්පුරේ ශ්‍රියා මේම මේම

කමු බොමු කඳුළු ගෑස්

නාමු අපි සැවොම සල්ෆර් ඩයොක්සයිඩ් සූඳ බේරේ වැවේ හැම නම වෙනිදම

මොකට කරමු ඉන්වෙස්ට්

දැම්මොත් එෆ්ඩී විසිම හතරක් නේ ඉන්ටරස්ට් 


මොකටද මුරුංගා ජාපනෙන්

දැන් හම්බන්තොටත් සප්ලයි කරනව මුරුංගා 

පන්සීය සීයමයි පොලේ අද 


කහ සිවුරම දාහක් උපන් දිනේ

තුන්දාහකටම කෑම තංගල්ලේ

ඒ උනාට මොරිස් ඔක්ස්පර්ඩ් ජාපනේ

කිව් ආර් කෝඩ් නැතුව දුවන්නේ හැල්මේ

ජාපනේ හරි ඩිසිප්ලින්

ජාපනේ හරිම ඩිසිප්ලින්.....!


Wednesday, 30 March 2022

කෑ බනික

 


නිවාඩුවෙ පාඩුවෙ ඉන්නේ නේද දැන්...?


හ්ම්ම්....ඒ වගේ...!

ඉතින් මොනාද ඇත්තටම කරන්නේ මේ දවස්වල...?

නෙට්ෆ්ලික්ස් එකේ පීරියඩ් සීරිස් බින්ජි බලනව...!


හෑ...ඒ කෝමෙයි...? ඕෆ් ග්‍රිඩ්ද ඔයාලා..?

නෑ...ඕෆ් ඉන් අ වේ...බිකෝස් වෝටඩ් ෆො ද ඉඩියට්නේ...😜
ඉහින් කනින් දාඩිය හලාගෙන  බලපු පරන සීරිස් හිතෙන් බලනව නාකි බ්ලන්ච්ගේ අම්ම මතක් කර කර...!!!

Thursday, 6 January 2022

Dreamer....!

 


අහස කළු කලාට
සුළඟ අවුත් කළු වලාවන් ඈතට ගෙනගියා නොව

හුඟ දවසකින් නොදුටු දිලිසෙන තරු
මට පෙන්නුවේ සුළඟද අහසද

තරු සහ මා අතර මැදින්
ආ කළු වලාවන්
ඈතට ගෙන ගොස්
හුඟ දවසකින් නොදුටු දිලිසෙන තරු වැල්
මට පෙන්නන්න හිතුනේ
හුලඟට මොනා හිතලාද

නොපෙනුත් ඈතක සිටියත්
මා තරු අතර බැව්
හුළගට හොරෙන් හොරෙන්
කියන්නත් හිතෙනව මට

Wednesday, 29 December 2021

 ආදරණීය මහවැව...!








ගිමන් හරිමි....

පෑරුන තැන් ඇත්නම් හිතේ
සෙමින් පිරිමදිමි...


ගිය දුරම දුර ගමන
යන්නට නුඹ දුන් පන්නර
දයාදරයෙන් සිහි කරමි...

ගියද නුඹ තනිකර
සත් සයුරින් එතෙරව
ජයගත්තෙන් ලොව
නුඹ රහසින් මිමුණූ ලෙසම

හති නොවැටුනත්,
තව දුර යන්නට ඇතත් ශක්තිය...

හිත කියන්නේම
හිමිදිරියෙන්ම එන්නැයි නුඹ ලඟට...

මීදුම හැඩ කරනා නුඹ වත
කියාදෙයි අදත් මට පාඩම්
....ආදරණීය....
....මහවැව....

Saturday, 18 December 2021

ආලයේ සරදම...!






 බලෙන්ම කරමින් මා අමතක
 මන්දැයි මා හැර යන්නට දරන්නේ  වෙර....
 බලෙන්ම ගත් ඒ හාදු,  නොකර අමතක
 මම නොවෙදෝ සිටින්නේ ඔබ වට...

ආසයි තෙමෙන්න ඔබේ ආදර වැස්සට

ඒත්

 මා ඉහලා ගෙන නොව

කුඩයක්.......!











 



Monday, 5 October 2020

නොස්ටැල්ජියාව

 



මද්දු අක්කේ අපි බාලේ

අම්ම පිසුව ලූලු මාළු ඔලුවටත් උනා නේද රංඩු

අද උඹේ අතින් පිසුන

තිබ්බටු තැල් කොල තෙම්පරාදුව අම්ම ඉව්ව වගේමයි නෑ රස අඩු.

ලොකේට ලොකුකම් කරාට 

රට රාජ්ජේ විසුවට පොඩි මලයගෙ ආදරේ තාමත් නෑ අඩු.

මහ ඇදුරු කම තිබ්බ අක්කෙ ගෙපිලේ,

තියපං කිරි රොටි, පැනි ආප්ප වට්ටිය මගෙ හිසමත

යන්නට නෑගම් නැතුව අඩුපාඩු


කිරිරොටි



Friday, 25 September 2020

ආදරුංගල්..!





නිවි නිවී ඇවිලෙන
තැවි තැවී වැලපුන
කප්පරක් දුක් ඉහිලූ
සංයමයක් නොමැති සිත


අකීකරුකමින්
දඟකාරකමින්
පිහිතුඩු සේ තියුනු වදනින්
සිදුරු කොට
වැව්බැම්මේ
සරුංගල් අරින අපිදෙන්නා....!

කඩාගෙන ගියත්
කූරියා ගැහුවත්
අතඇරියත්
වතුරේ....!