Saturday 16 December 2017

කඳුළු


















හෙලන්නෙපා ඔය කුළුඳුලේ කඳුළු මේ මා වෙනුවෙන් නං
වැව අද්දර කුඹුක් ගහට තරං හුරු නැහැ මගේ හිතට කඳුළු නං





කජු ගස් ලන්දේ අවාරෙට සැරිසරනා සුදු රෙදි හොරාවත්
උඩවත්තේ කොස් ගස් මන්ඩියේ ලගින දඟකාර මොණරාවත්
නොදන්නා
මට මගහැරුන මා
ඔබට හමුවූයේ අවාරෙට බැව්
නොකී නිසාමද
මේ දරාගනු නොහැකි කඳුලු හෙලන්නේ
අපට හොරෙන්....!

Friday 15 December 2017

Sunset blues

photo credit - chathu











ආවෙමු අප මේ දුර
නෙත ගැසුනෙමු බොහෝ දෑ ඒ ගමන් මග...

අර බසිනා හිරු මෙන් හෙටත් ඉන් එහාටත්
යමු අතිනත පටලා අප ඉතිරි දුරත්...

Friday 8 December 2017

පෙරදා මහ රෑ..



Painting by Marta Nael















හඳ උනත්
හෙමිහිට
එබෙමින්
ඝන වළා
අතරින්
අනේ හරියට
ඔච්චම් කලා
අපි ආදරෙන්
වෙලෙන කොට...

තරු මැද්දෙ උන්නට
ඔබ දෙතොල්
සිඹින විට
මා දෙතොල්
හදපුරා ඉතිරුණ
සෙනෙහසින්
නෙත් කොණින්
මං දැක්කා
හඳත්
රතු උනා
විළියෙන්...


ඒ තැබු
සොඳුරුම
හාදු පොදි
තාම මං රකිනවා
ආදරෙන්
හරි ආදරෙන්
ඔව්

ඔබ නමින්....

Wednesday 6 December 2017

බින්දි...!



Bindhi by skamal nath


හිරු
හෙට උදෑනැක්කේ
කොට්ටං ගහ අහලින්
එබිකං කොරාවි
 මට

ගිය පාලොස්වකේ ඔච්චං කර පැනගිය
 හඳ
හීං බෝවිටියා පඳුරු අස්සෙන් නියපොත්තක් මෙන් එබේවි ඊලඟ
පෝයට

අව්කූටෙන් බැට කෑ පොල් රුප්පාවෙන් මතුවෙන
රෑ තරු
කඩාවි ඇඟමැලි අහසේ හැම රෑකම

එනමුදු 
අද හැන්දෑකරේ 
කඩමන්ඩියේදී 
ඇස ගැටුනු ඒ නලලේ ඇඳි
රතු තිලකය

හිමි නැති බැව්
දැනුනේ ඇයි 
මට...!!



Monday 4 December 2017

(සේපාලිකා) - Nilwella Blues






සිඹින්නට බැරි දුරක පිපුණු 
නිල්කටරොල්ල...
කිමද ඔච්චම්පපා
මේ හැටිම දැඟලිල්ල...

සේපාලිකා මලක්වී
අද හැන්දෑවට
පිපෙන්න මගේ කවුළුව ඇද්දර
සුවඳට...

පිපුණ කටරොළු මලෙක සුව අහිමි
මැදියමක...
නිවාලයි මහද ගිනි
සුවඳ සේපාලි
 කුසුම...


හිමිදිරි පාන්දරින් අහුලමි
එගිනි නිවු
සේපාලි කුසුමන්
නැමුනු 
සිතින්....