ලතා - ඈ ලියූ කව - 4

ලතාවක්ව එතෙමි

වෙලෙමි

සියුම් සිප ගැනුමක්

කෙලවර

ඉසියුම් ප්‍රහර්ශයට

ඉඩදෙමි

එකී හිරිවැටුමෙන්ම

නැවතත් එතෙමි 

වෙලෙමි !

වැල් - ගැට

එතෙමි

වෙලෙමි

පැටලෙමි

නොගැලවෙන්නම

ගලවමි

ලිහමි

විසඳමි

අවුලක් නොවෙන්නම

යලිත්

එතෙමි

වෙලෙමි

පැටලෙමි

නොගැලවෙන්නම

:)

ධීවරී

ඊයේ හවහා වැල්ලේ පිපුන
වැටකෙයියා මල් ගාලම
ලැජ්ජ හිතිලා අහක බැලුවෙ
කොණ්ඩේ පුරා විසේ කරපු
සිප්පි කටුවේ හැඩ නොබලම
වැලි නාගෙන මා නලවන
කළුමිටි ඔය ඇඟ දැකලද..

විසේකාර කළුමිටි ඔබෙ
අනඟ රැගුම් සිහිනෙන් විත්
දෙකකුල් මැද හිරකරාන
නිදාගන්නේ කොහොමෙයි මං
ඒ හින්දම ඇඟපුරාම 

ගෑවුන වැලි තාමත් නැහැ පිස දැමුවේ..

හිරි අරින්න ගත පුරාම
අරන් එන්න පාන්දරම
කරිජ්ජ සුවඳෙන් ඉපිලෙන
මිටි කළු ඇඟ මහමූදෙන්...

දියවන්නා blues

Diego Rivera
(Motherhood, Angelina and the Child Diego),
August 1916, oil on canvas, 

සිඟිති දූ සුළැඟිල්ලේ එල්ලී
යන්නී පසුපස මව් හා උරනව
දියවන්නාව සූරා එන මද සුළඟෙන් නෑවී
සිඟිත්තී හඩන්නී
මන්ද ගෙදර නොයා මහමග නැවතුනේ යැයි අසමින් මව්ගෙන්...

රාජගිරියේදී ආ දස්කොන්ගේ ඇමතුමට
හිරිවැටුන මව්ගේ සියොලඟ
සනහාලන්නට
ඌබර් මාතලීට නාහෙන් අඬා
අඩක් වූ ගාස්තුව ගෙවා
අප්පච්චීගේ නිවහනට තව දුර නොවේදමැයි සිතමින්
දියවන්නා ඉවුරෙන් පාර පනින්නේ මව්...

දස්කොන්ගෙ දඬුමොනරය
කුමන තව්තිසාවෙකට ගෙනයන්නද මව්...

රාගයෙන් උද්දාමව
හදිසියේ ගත් තීරණ
මොන්ටිසෝරි දෝනිට කියාදෙන්නම ඕනිමද...

දැන නොදැන

රාත්‍රිය මෙතරම්ම අඳුරු බැව්

රාත්‍රිය මෙතරම්ම රුදුරු බැව්

රාත්‍රිය මෙතරම්ම ගැඹුරු බැව්

ඒ මදිවට

රාත්‍රිය මෙතරම්ම සොඳුරු බැව්

කියා දුන්

සොඳුරියේ

කිම නිහඬ මේ රාත්‍රියේ

අදත් එදා මෙන් 

බලා සිටිමි.....!

ඔබ නො එනා බැව්

දැන නොදැන..!

නල දත

photo courtesy ~- SSDS 

දඟකාර ජෙට්බ්ලැක් අක්බඹරුන්ගෙන්    (ද )

කාන්‍තියෙන් දිදුලන තුරුණු දෙනෙතින්  (ද )

මල් පීදුන බෝරිච්චි අත් චීත්ත ගවුමෙන් (ද)

පාට පාට කුඩයෙන් (ද)

හැංගු (න)

|

|

|

|

|

|

|

නල දත










~~~~~~

තනිකම...!

තැටියේ ලා ගච්චාමි 

රවුමට හයක්
 රොටී

කෑමට එන්නේම නෑ 

මගෙ පැලට 
ඩොටී

කට්ට කරෝල බැදලා ඇත 

කන්න 
රොටී

ඩොටී නැතුව කුමකට 

මම කම්ද 
රොටී

~~~~~~