සකුන්තලා

හෙට
නෑ
අනිද්දාවත්....

මං හිටියත්
නැතත්
එන්න..

මං නැතත්
මේ රෝස ඉත්ත
පර නොවේවි
ඔබ වෙනුවෙන්...

පෙළ - කූඹියෝ

පායනා කාලෙදී

එකමුතුව

කඹුරමු ....එකාසේ පෙළ ගැසී

බිත්තියෙන් වෙන්වී

අප පෙළගස්සවනා උන්වෙනුවෙන්ම...

වස්සානයේදී

ඒ අප පෙළගැස්සවූ උන් විඳින්නාවූ

සැප කන්දරාව දැක

එකමුතුව එකාසේ පෙළගැසී

කරමු විප්ලව උන් හා කිපී

එනතුරා නැවතත්

පායනා කාලය....!

යශෝධරා වැලපේ නම්....!

ගොම්මනේ අඳුර මැදුරේ දොර ළඟම වෙලී
මේ තනි හිතට සීතල දැන් බෝම වැඩී
වෙලි වෙලී එතෙන සෙනෙහස් ගින්දරට වැදී
ඇවිලෙන්නට නුඹ  උන්නානම් බෝම වටී

කාලය එක්ක පොරබැඳ හති වැටෙනකොට
පාලුව කර වටක් ගැඹුරේ ගිලෙනකොට
රාවය නැගෙන පෙම් ගී ළය නිවනකොට
හීතල මතක  ඇවිදින් හිත ඉඹිනකොට

හීන් සිරුවට වෙලි වෙලි  දැවටීලා
පපුවේ ඇබිත්තක් හිමිහිට වැතිරීලා
බුරගා නැගෙන හැඟුමට තව ඉඩදීලා
ඉන්නට එනවාද රහසෙම සැඟවීලා

ගිනිගෙන දැවෙන හිත යට ගිනි පුපුරක්ව
වැද වැද සිහිල් සුළඟට අළු අහුරක්ව
අවරට ගියත් රෑ සැන්දෑ අහසක්ව
ප්‍රේමය පරනොවන අසෙනිය කුසුමක්ය

මසිත කියවූ ඇය එසැන්නි ලියූ කවක්.......

ගිලිහුන මලක - සුවඳ

artwork by D B Clemons

පසූවුන හෝරා හතලිහ මුලුල්ලේ මා
ඔබ කම්මුල්....වල ගැසුන ඒ කම්මුල්..
රෝසපාටදැයි නොදැනෙනා දඟකාර ඔබැ දෙතොල්..
සිය දහස් වාරයක් සිපගත්තා සේමැ...
තවමත් සිපගන්නෙමි...

සංතර්පනය නොවූ විහඟකු සේ..
සංවේදී මා නාස් පුඩු සොයනුයේ...
ඔබැ සුවඳමැය...

පිපිදෙමින් සිටි..
එහෙත්...
විහින් ගිලිහුන මලකින් කෙසේ පතම්ද...
සුවඳ...
එමල සේපාලිකා මලක් නොවන්නේම නම්.....!

අපිටත් ඉතින් මොකක් හරි තිබුනම මොකෝ වෙන්නේ...!

නෙලුම් කුලුණු හදන්නේ පැනලා මැරෙන්නද...?
මාතලන්ගෙ ජෙප්පොට ගමකෑමට අරාධනා කොරන කැම්පෙන් එකේ අලුත්ම සටන්පාඨය ඒ...!

ඉලංගකෝන් විවාදයකට අවස්තාවක් අරන් දෙනවා ඒ අස්සේ මෙහෙම..ඇත්තෙන්ම නෙලුම් කුලුනෙන් ලබාගැනීමට බලාපොරොත්තුවන ප්‍රථිලාභ මොනවාද...?

මාතලන් කියන්නේ ජෙප්පොන්ගෙ ටිල්වින් එහෙම කියන නිසාම අපි උන්ට ගම දෙමු කියලා කන්ට..හා කියමුකෝ...!

ඇයි උන් අපෙන් මෙහෙම අහන්නේ...අපේ තියෙන චුට්ටං මිලේච්චකම එලියට ගන්නවද්ද...?
ඉලංගකෝන්ලා මාතලන්ලා ටිල්වින්ලා එකතු වෙලා අපිව අන්දනව වද්ද..?

හිතල බලමු..අපි කරන කියන හැමදෙයින්ම ලාභ ප්‍රයෝජන තියෙන්න ඕනිමද...ඇත්තටම තියෙනවද...?
ඇති සමහරවිට....!

ලංකාව රටක් හැටියට මේ මුතුඇටෙන් එහා තියෙන රටවල්වල අය කොහොමද දන්නේ ඇත්තටම..සිලෝන් ටී, බ්ලූ සැපයර්, ටී කන්ට්‍රි, ලස්සන වෙරල, ඇඩම්ස්පීක්, සීගිරියේ බිතුසිතුවම්, නුවර අසිරිය, ගාලු කොටුව ඇයි එතකොට හවුස්මේඩ්ස්, යුද්ධේ, හියුමන් රයිට් වයලේෂන්ස්, විදුලි පුටුව.....!

එව්ව මදි උනා රාජපස්සලාට....දහ අතේ ණය වෙලා අපි මිඩ්ල් ඉන්කම් කන්ට්‍රි එකක් හැටියට  ලෝකෙට පෙන්නුවා...අර අපි වෙඩින්ස් ගන්න සිස්ටම් එක කොපි කරලා එහෙම කරන්න ඇත්තේ... !

ලපයා කිව්ව වගේ හැදුවා හයිවේ මීකිරි ගේන්න හම්බන්තොටින් (තාමත් හදනවා මිස්ටර් බීන්..ඒ උනාට ගිරාමේ දන්නේ උන් ගිහින් බාගෙට හදපුවා විවෘත කරනකොට හිටං..මේ ලඟදි දොහක රාජගිරියේ කොලා වගේ...)..ඒත් මදි උනා රාජපස්සලාට...අයිකොනික් ටවර් එකක් අපි හදමුද බොස් කියලා අන්සොලිසිටඩ් ප්‍රොපොසල් එකක් අරන් ආවා කොමිස් කාක්කෙක්...උගුර බැරෑන්ඩි ඇරලා පොර හා අපේ හාමුදුරුවනේ කියලා කිව්වා......!

අටවෙනිදා ගෙදර යනකොට ගෙනියන්න අමතක වෙච්ච තවත් කුළුණක් උනා ඉතිං ඒ අන්සොලිසිටඩ් ප්‍රොපොසල් එකෙන් පටන් ගත්ත ඔය මඩෙ හිටෝපු ඉන්න...!

කෙලපු කෙප්ප අපිට අමතකවෙනකන් මිස්ටර් බීන් අවුරුදු දෙකක් නිවාඩු දුන්නා අට වෙනිදා ගෙදර යනකොට අරන් යන්න අමතක වෙච්ච කුලුනු, හයිවේ, රේල්පාර්වල්, එල් ආර් ටී, පෝර්ට් සිටි අරවා මෙව්වා ඔක්කොටම...හෙමින් හෙමින් පෝර්ට් සිටියේ වැලි පුරෝගෙන එනකොට එව්වයේ නිවාඩු කැන්සොල් කලා..කමක් නෑ ලු...! 

අලුත් ආර්ථිකේලු.....සෙද්ද...!

ලෝකේ මිඩ්ල් ඉන්කම් වලින් උඩට ගිය නගර ටිකක තියෙන අයිකොනික් අයිටොම් ටිකක් ඕන් පල්ලෙහා තියෙනවා....ගෙටී ඉමේජස් වලින් බාගත්තේ....අපිටත් ඉතින් මොකක් හරි තිබුනම මොකෝ වෙන්නේ...පැනලා මැරෙන්න හරි..මොකෝ ආයෙත් මංගලගේ මාතර මහානාම බොරු කේබල් බ්‍රිජ් එකෙන් පනින්නයැ....!

The Gate Way Arch- St Louis, Missouri, USA

Space Needle-Seattle, USA

The Lotus Temple-New Delhi, India

One World Centre-New York City, USA

Eiffel Tower-Paris, France

Taj Mahal-India

Musée du Louvre - Paris, France

A Father Starts a Protest at Matara Mahanama Bridge

අපිටත් ඉතින් මොකක් හරි තිබුනම මොකෝ වෙන්නේ...!

හෙටත් මට ආදරේ දෙන්න

ඉර හැරුන මේ ගොම්මනේ

හමුවෙන්න එන්නෙම් මා අඩ අඳුරේ

ඔද්දල් වූ....දුක් දැරූ හිත ඔබේ

සනසන්නෙම් දී හාදූ පෙරහරක්

වැගිරූ කඳුළු උඩුගං යාවී

තැලුනු පොඩිවුනු දෑස දිලිසේවී

අවුල්වුන කෙහෙරැළ් සැඳෑ සුළඟේ පාවී

හැඟවුන අප පෙම අපමනැයි අපටම කියාවී

කඳුළු ගඟෙන් එතෙර වී

ඈත දිදුලන සෙනහසේ මිටියාවතට

හාදු කන්දක් අරන් ඉතින් ඔබ එන්න

ඔබම රිදවූ හිතට ඒ හාදු දෙන්න

වැටෙන කඳුළක් ගානෙ සෙනෙහෙ තවරන්න

අද වාගෙම

හෙටත් මට ආදරේ දෙන්න

කිරි අම්මාවරුන්ගේ දානය - Dedicated for Twins

Gustav Klimt, Mother and Child

කිරිකෝඩු හවඩි ඉඟ වට හැඩට

නුඹ සැරසුවා මව් දමා පංචායුධ ගෙල වටට

එනමුදු

මව් නිදිවැරූ යාමයන් එමට බැව්

නොදැන බෑඟිරි ගසනා මා පුතුනි

බිඳලනු කෙසේද

තනි මා,

තිඹිරි ගෙයින් පීදුන

ඒ ගතානුගතික ගෝත්‍රික වැට කඩොලු ගොන්නෙන්

මා පිය සබඳ වූ නුඹ මව්

එනමුදු

සෙව්වෙමි පීරා ගෝත්‍රය පුරා

ඔවුන් ළඟමය පිළිතුරත්.....!

මීදුම අස්සෙන් පිනි පිරුන මකුලුදැල් පාගාන

හිමිදිරි පාන්දර උඩකඳු බෑවුමෙන් ඒ මතුවෙන

කිරි අම්මාවරුන් පෙරහර

වඩින්නේ ම'පුතුනේ තුන්මහ පුරවන්නයි

තුන්මහකින්

 ගෙයි මහ උලුවස්ස නොපැන්න පෙම්බර නුඹ මවගේ දෑසත්

කිරියා මුසු රසමසුවලින් පිරි තෙල්පහන් දහයක් දැල්වූ පැදුරත්

පාර කියන්නේ අප තිදෙනාටම

අලුත් ලෝකයකටමය ම'පුතුනේ....!

කිරිඅම්මාවරු අප අතැර පිටවෙන මොහොතේ මහ උලුවස්සෙන්

තුන්මස් හිරගෙය බිඳ දමමි මා මව් සෙනෙහසින්...!

ඈ අප........

ඔබගේත් මගේත්

මව් නිසාමැයි පුතුනේ...!

පිදුම - ලොකූටත් අංජුට සෙනෙහසින්

මියැදුන ප්‍රේමය

Love is Dead by MB Henriksen

උපන්ගෙයිම මියගිය

අප පෙම 

මිහිදන් කල සොහොනෙන්

 පිපිදුන මිනී මල

එබෙමින් පාලු පඳුරු අතරින් අරලිය

එළිය දෙන විට 

මේ හීතල සුසානයට

ඔබ සියුමැලි දෙතොලේ උණුසුම් මතකයන්

හාදු දේ 

මහද මල් වඩමට