බක් මස ගෙවුනා
නොදැනිම කොවුලාටඅන්තිම කොකිස කෑවා
මම තනි කමට
කැවුමෙ රස දැනෙන්නෙත්
බක් මස ගෙවුනාම
අතිරස ආසමී අලුවා
ආගිය අත නැති සේම
හැඳි ගෑ දොදොලේ අන්තිම
අග මුඩු රස ඇයි
මුං කැරලි නාරං කැවුම් නං
තාම රසයි
නුඹ ඇඳි චීත්තේ මල් රටා හරි කදිමයි
කරල් දෙකට බැඳි කොන්ඩෙට මම ආසයි
වෙසක් පොසොන් ඇසල පෙරහර හිත පාරයි
බෝ ගහ පාමුලදි නුඹෙ මුව මට අකපැයි
ඉරට රටා මවමින් මම වැලි පීරයි
රටා දකින මගේ හිත සෙමින් නිවෙයි
නුඹ හෙට සිදාදියෙ ගියොතින් වෙනදාමෙන්
සත්තයි කරමි අභිනික්මන් නුඹේ නමින්
හෙට මුර දානේ පිලිගන්නට නුඹ නාවොත්
වඩිනෙමි පිඬු සිඟා නුඹ යන මග අවුරන්
පව් පුරවා ගන්නෙ දිග්ගස්සන්නද සංසාරේ
ලොකු හාමුදුරුවන්ගේ ඒ හඬ මට නං නොඇසේ
මුර බණ දාන පිංකං මට නොඇරේ
අවානට මුවාවෙමි මම සඟවා මගෙ සිත් සාරේ
බක් මස ගෙවුනා
නොදැනිම කොවුලාට
අන්තිම කොකිස කෑවා
මම තනි කමට
