මියැදුන ප්‍රේමය

Love is Dead by MB Henriksen

උපන්ගෙයිම මියගිය

අප පෙම 

මිහිදන් කල සොහොනෙන්

 පිපිදුන මිනී මල

එබෙමින් පාලු පඳුරු අතරින් අරලිය

එළිය දෙන විට 

මේ හීතල සුසානයට

ඔබ සියුමැලි දෙතොලේ උණුසුම් මතකයන්

හාදු දේ 

මහද මල් වඩමට

කඳුළු

හෙලන්නෙපා ඔය කුළුඳුලේ කඳුළු මේ මා වෙනුවෙන් නං
වැව අද්දර කුඹුක් ගහට තරං හුරු නැහැ මගේ හිතට කඳුළු නං




කජු ගස් ලන්දේ අවාරෙට සැරිසරනා සුදු රෙදි හොරාවත්
උඩවත්තේ කොස් ගස් මන්ඩියේ ලගින දඟකාර මොණරාවත්
නොදන්නා
මට මගහැරුන මා
ඔබට හමුවූයේ අවාරෙට බැව්
නොකී නිසාමද
මේ දරාගනු නොහැකි කඳුලු හෙලන්නේ
අපට හොරෙන්....!

Sunset blues

photo credit - chathu

ආවෙමු අප මේ දුර
නෙත ගැසුනෙමු බොහෝ දෑ ඒ ගමන් මග...

අර බසිනා හිරු මෙන් හෙටත් ඉන් එහාටත්
යමු අතිනත පටලා අප ඉතිරි දුරත්...

පෙරදා මහ රෑ..

Painting by Marta Nael

හඳ උනත්
හෙමිහිට
එබෙමින්
ඝන වළා
අතරින්
අනේ හරියට
ඔච්චම් කලා
අපි ආදරෙන්
වෙලෙන කොට...

තරු මැද්දෙ උන්නට
ඔබ දෙතොල්
සිඹින විට
මා දෙතොල්
හදපුරා ඉතිරුණ
සෙනෙහසින්
නෙත් කොණින්
මං දැක්කා
හඳත්
රතු උනා
විළියෙන්...


ඒ තැබු
සොඳුරුම
හාදු පොදි
තාම මං රකිනවා
ආදරෙන්
හරි ආදරෙන්
ඔව්
ඒ
ඔබ නමින්....

බින්දි...!

Bindhi by skamal nath

හිරු

හෙට උදෑනැක්කේ

කොට්ටං ගහ අහලින්

එබිකං කොරාවි

 මට

ගිය පාලොස්වකේ ඔච්චං කර පැනගිය

 හඳ

හීං බෝවිටියා පඳුරු අස්සෙන් නියපොත්තක් මෙන් එබේවි ඊලඟ

පෝයට

අව්කූටෙන් බැට කෑ පොල් රුප්පාවෙන් මතුවෙන

රෑ තරු

කඩාවි ඇඟමැලි අහසේ හැම රෑකම

එනමුදු 

අද හැන්දෑකරේ 

කඩමන්ඩියේදී 

ඇස ගැටුනු ඒ නලලේ ඇඳි

රතු තිලකය

හිමි නැති බැව්

දැනුනේ ඇයි 

මට...!!

(සේපාලිකා) - Nilwella Blues

සිඹින්නට බැරි දුරක පිපුණු 

නිල්කටරොල්ල...

කිමද ඔච්චම්පපා

මේ හැටිම දැඟලිල්ල...

සේපාලිකා මලක්වී

අද හැන්දෑවට

පිපෙන්න මගේ කවුළුව ඇද්දර

සුවඳට...

පිපුණ කටරොළු මලෙක සුව අහිමි

මැදියමක...

නිවාලයි මහද ගිනි

සුවඳ සේපාලි

 කුසුම...

හිමිදිරි පාන්දරින් අහුලමි

එගිනි නිවු

සේපාලි කුසුමන්

නැමුනු 

සිතින්....

මොනෝක්‍රෝම්

Photo credit SSDS

වර්ණයෙන් අන්ධ
මොනෝක්‍රෝම් ජීවියෙකුට
නොපෙනනා ඒ මිරිඟුව තෙක්
දේවදාර රුක් අතරේ
රතුකුඩයට මුවාවී
යන්න...
යන්න...